kes,î na nêpîtenê
û kes,î ma famnêkerdîme
çike
reyna dîna amayena ma nêhesevnabî
vejayme buko
çola mezelunê kalik û bavukunê xora
royê domonunê soykêku guret
domonê ke pizê maya xo de ebi sungî qirbî
mezelunî înan ra vejayme
ma royê cuwaniku guret
cuwanikêkê dican bî
û ebi sungîye kêrazinî ameybi kîstene
zirçayîs û nalenya înan zerê ma de bîye
ebi pêro rutrupalîya xo vejayme meydan
wis,tîme ra dikê
fecîrê sodirî de wertê xizanîye de
guret binê bandire
tarîxê xo yo qilerîn û gonin
pelge bi pelge s,ut
ebi awa çemê Munzurî, Firatî û yê Hezilî
awa Zapî de gonya xiyanêtî verdîye de
hurdî hurdî pol pol bî sipe tarîx
bîme axme buko
tarî de jê ros,tya asme
ko bi ko pul bi pul
ro kewt canê merdu wes,îye dest kerd ci
kemerunê husku sero royayî leyê rejî
sasbîye bêbextîye kewenya daristanî rê
vake no xort kî mireno
dapêro dikê
çu bi çu tifong bi tifong
texeletê tarîxê qilerinî nêbîme
û xo wenêdard
roza ke ma tekûteyna bîme
onca kî warronêginayme
hama
qeyta jû cîgere honde cîgera ma nêvêsê
û zondnêda cîgera herdê mara qederî
qeyta jû cîgere
hama qeyta kes, kî honde ma
serbestîye sêzutnêkerdenê
vêsayme buko
kile henke bîye berz
ros,tya tîjî bîye vîndî
tarî nêmend sew û zerrê ma de
esqê Mem û Zîn yê Leyla û Mecnunî
na kile onca ardî ra ma vîrî
her kes,î law?kê xo newede nusnayî
her kes,î her teyrî xorê esqê dî
kes bêkamîye û bêwayîr nêmend
nika sevda her kes,î na riwalra bereqîna
nayerawo ke dikê
ma de fecîrê sodirî zovnayê
ras,tîyade xiravina hama rasta
ma de fecîrê sodirî
ebi estena tîjî sur nêbîyê
surenya fecîrê welatê ma
gonî ra yena dikê
gonya domonunê ma...
